Amc,2026 inthlanpuia “home voting” kalpui tan
Nimin atang khan General Election to Aizawl Municipal Corporation(AMC), 2026 atana kum upa te, damlo natna khirh bik nei polling station pan theilo te leh pianphung a rualbanlo polling station pan theilo te tana a vote thlak theihna tura ruahman, Home Voting chu kalpui tan a ni a. Home Voting hi ni 13.4.2026 (Monday) atanga ni 16.4.2026 (Thursday) thleng kalpui tura ruahman a ni.
Home Voting ni hmasa ber atan tukin zing dar 6:00 khan District Election Officer’s Office, Aizawl atang in vote thlakna tur EVMs leh Materials te Municipal Ward tin te Municipal Returning Officers (MROs) ten General Observer hriatpuina in an Strong Room atangin an pechhuak a ni.
Home Voting hi AMC Ward 19-ah kalpui vek tur a ni a, Ward tinah Home Voting Team pakhat theuh awm in, Home Voting ti tura dilna lut zat hi 2769 a ni a, ni 4 chhung a vote thlak hi zawh hman tura ruahman a ni, Municipal Ward – 2 ah dilna hi lut tamber in diltu mi 209 an awm a ni.
Tukin a Home Voting Team tirhchhuahnaah hian General Observers te, DEO aiawh Election Officers & staffs te, Ward tin MROs leh AMROs te, Home Voting Nodal Officer te, EVMs Nodal Officer te, Information & Publicity Nodal Officer te leh Political Party aiawh te an tel a ni.
Hriat theih chinah vawiin Home Voting a, Vote thlak upa ber chu Pi Nghakliani, Kum 102, Dawrpui veng, Ward-IX hnuai a mi a ni.
