Adviser to chief minister in a bial chhunga zirlai ti thate hnenah lawmpuina thuziak leh laptop hlan
Vawiin khan Dr.Lorrain Lalpekliana Chinzah, Adviser to Chief Minister (H&FW, A& FW) leh Lawngtlai East Bialtu MLA nibawk chuan a bial chhunga zirlai ti tha mi paruk te hnenah lawmpui thuziak leh Laptop ( Computer) chu Lawngtlaia a pisa- ah a hlan.
Dr.Lorrain Lalpekliana Chinzah chuan zirnaah in elna a sang tawh hle a, result tha tak nei thei tura mi thawkrimte hian chawimawi hi an phu hle a ni, a ti. Chawimawina phenah hian hlawhtlinna sang zawk chang chhunzawm zel tura duhsakna hlanin, zirna an zawh kawngah harsatna an neih ang anga tanpui a inhuam thu a sawi a. MLA chuan hlawhtlinna changtute thawhrimna chuan midangte tan chona thar a pek ngei a beisei tih tarlangin, theihtawp chhuaha tan la zel turin a chah nghal bawk.
Vawiina Adviser to Chief Minister – in chawimawina thuziak leh Laptop – a hlan te hi HSSLC leh Mizoram University Result chhuah (Graduate) a Top 10- a lang te an ni a. Chungte chu : Lalramengmawii,Chandmary (HSSLC top 8), R. Lalngaihawmi, New Vengpui (1st Rank – Dept. of Commerce) C.Vanhmingliani, New Vengpui, (5th Rank -Dept of Bio-Chemistry) Lalhriatkimi, Chandmary (4th Rank- Dept of Computer Science), C.Lalhriathlui, Lungtian-II (7th Rank-Dept of Geography), Ramengmawii South Lungpher (5th Rank- Dept of Economics) te an ni.
