Rulhut Dona Beihpui Thlak
Vawiin khan CMO, Aizawl East District buatsaihin rulhut hlo pek beihpui “National Deworming Day August Round 2026” chu Neuhof English Medium School-ah Dr. Lallawmkimi Tochhawng, AMC Ward 5 Corporator chuan a hawng.
He rulhut hlo pek beihpui hian rulhut avanga naupang thisen tlachham tur leh hrisel lo tur a veng a, an zirlaia an hnufum lohna tur leh an than chhohna kawnga harsatna thleng thei lakah a veng dawn a ni.
Khuallian Dr. Lallawmkimi Tochhawng chuan sawrkar laipui hmalakna hrang hrang mipui ten kan hman tangkai theihna tura inzirtir a tul zia a sawi a. National Deworming Day pawh hi sawrkar laipui hmalakna, mipui te tana hriselna lama hmalakna pawimawh tak a nih thu sawiin a hmang tangkai tur zawng zawng – naupang kum 1-19 inkar ten rulhut hlo hi ei vek a that thu a sawi a ni.
He hun kaihruaitu Dr Lalhlunpuii, Sr CMO chuan rulhut hlo ei pawimawhna leh department dangte nen thawhhona tha neih a pawimawh thu ngaihthlak a ni a. Pi Lalnuntluangi, DPM chuan NDD chungchang a hriat tur pawimawh te sawiin, rulhut hlo ei pawimawhna leh ei dan tur dik a zirtir bawk.
He hunah hian Health Department-a thawktute, Women and Child Development Department leh Education Department staff te an tel a ni.
