Kolasib-Ah District Level Green Mizoram Day Committee Thukhawm
Vawiin chawhnu khan Kolasib DC Office Conference Hall-ah District Level Green Mizoram Day Committee te chu an thukhawm a. He thutkhawm hi District Level Green Mizoram Day Committee Chairman leh Kolasib Deputy Commissioner ni bawk, Pu H. Dolianbuaia’n a kaihruai a.
State sawrkar ruahmanna siam angin kumin Green Mizoram Day hi lo awm tur June ni 11-ah hman turin an rel a ni.
Thutkhawm kaihruaitu Pu H. Dolianbuaia chuan thu sawiin, Green Mizoram Day kan hman thinnaah thingtiak tam tak phun tawh thin mah se, a hnu lama enkawl zui a nih loh thin avangin a nung chhuak an tlem thin hle a ni, a ti. Chuvangin, kuminah chuan department tin ten an thing phun thlante uluk takin enkawl zui se, a tinung thate hnenah lawmman siam pawh a thain a hlu hle ang a ti a. Thing phun uar a tul rualin, a mawi leh tangkai tur lam thlan thiam a pawimawh thu a sawi bawk.
