Malabar Group ‘Hunger Free World’ Programme chuan ni tin ei tur pek in mihring nun a tih danglam theihzia a lantir
World Hunger Day ah Malabar Group hmalakna Hunger Free World chuan an Street Meal Distribution Program in nghawng a neih dan a tarlang: How a Daily Meal Opens the Door to a Better Life tih report hmangin an sawi. He Report hian Thanal hnuaia mi te’n nitin chaw ei tur an semchhuah hian kawngpuia mi harsa chengte chu chaw tha eitur pek, damdawi lam in enkawlna, chenna tur, an zahawmna, leh an chhungte nena an inzawm leh theihna tura a puih dan a tarlang a ni.
Street Meal Distribution Programme hi ei tur neilo te hnen a ei tur mumal tak leh hrisel tak pekna a ni. Hun a kal zel a, he hmalakna hi enkawlna tha zawk kawngka hawngtu ni in. Nitin an inhnimhnaih avangin hna thawktute nen ringhlelhna te lovin an inthian theih phah a, an hriselna leh nungchang inthlak danglamna an hmu a, an harsatna te an hriatpui zel a, Chaw dawngtu te chu puih an ngaihna hmunah an hruai thei bawk a ni.He Report hian riltam te hnen a chaw sem a nih hian ngaihsakna nen a sem anih chuan inpuih theihna kawng ati zau zel a ni tih a ti chiang lehzual a ni.
Tunah hian India ram pumah state 20 ah leh ram 9 ah he program hi kalpui mek a ni a, chung zingah chuan GCC ram paruk, USA, UK, leh Zambia te pawh an tel. Programme lian pahnih Micro Learning Center leh Street Meal Distribution Programme hmangin mi 1,43,00 zet an pui tawh a ni.
He hmalakna chungchang hi sawiin Malabar Group Chairman M. P. Ahammad chuan, “Chaw sem hi thil ho te angin lang mahse, a hun taka pek an nih a, thinglung zawng zawnga ingaihsakna nen a pek an nih chuan, chaw chauh ni lovin enkawlna, tanpuina leh beiseina eng a keng tel a ni. Hunger Free World hmalakna kaltlanga regular outreach hian inrintawnna a siam dan kan hmu a, damdawi lam a puihna, rilru lama inenkawlna leh an zahawmna an neih leh theihna bul a ni tih kan hmu a. Hengte hian a pawimawhzia a tichiang a, mi nunkawng a thlak danglam thei a ni,’’ tiin a sawi.
Report ah hian thawnthu rilru hneh tak eng emaw zat a awm a. Nagercoil ah chuan bus stand bula chaw ei tur lo dawng thin tar pakhat chuan distribution team te hnenah nun him zawk a duh thu a hrilh hnuah care home ah dah in an ṭanpui a ni. Kumbakonam ah pawh khum bet mi thla tam tak chhung chaw ei tur dawng tawh chu tihfai ni in, thawmhnaw thianghlim leh puihna pein a zahawmna a nei let theihna turin puih ani. Chennai ah chuan dinhmun khirh tak hnuaia awm hmeichhe pakhat chuan nikhatah chaw vawi hnih a dawn hmangin ṭanpuina a pawm zauh zauh a, a hnu ah care facility ah sawn a ni.
He programme a chaw semna kaltlang hian team te chuan mipa pakhat chu a nihna an hriat theih phah a, a nupui leh fate nen an intawhkhawm leh theih phah a ni. Tiruchirappalli a chaw semna lama thawktute chuan taksa lama harsatna nei tar hriselna a chhe zel tih an hmu a, damdawi lam enkawlna, ei leh in lama ṭanpuina, operation, leh chenna tur hmun a dawn theih nan an pui a ni. Heng thil thleng te hian chaw sem a nih hian, ngaihsakna leh lainatna nena sem anih chuan enkawlna, zahawmna leh nun him zawkna kawngka hawngtu a ni thei tih a lantir an ni.
