Champhaiah All Mizoram Farmers’ Union General Assembly 2026 hman a ni
Vawiin khan Thangtea Hall, Kahrawt Veng, Champhaiah All Mizoram Farmers’ Union (AMFU) General Assembly 2026 hman a ni a, Champhai Addl. DC Pu Lalbiakfela chu khuallian a ni.
Khuallian Pu Lalbiakfela chuan AMFU hnathawh hi a tha hle a ni tih a sawi a, farmer te hi kan ram tungdingtute niin an tel lo hian Mizoramin hma a sawn theih a rin loh thu a sawi a. Champhai District-a farming leh agriculture lama hmalakna hrang hrang, sawrkar scheme leh policy-a hna kal mek te a sawi a, farmer te hnathawh that zarah Champhai chu sawhthing an thar hnemin an hralh hnem thei tih sawiin farmer te an fakawm hle a ni tih a sawi a. He General Assembly hi hlim taka hmang turin a chah a, an hnathawh zelna tura duhsakna hlanin Mizoram hmasawnna thlentu ni zel turin duhsakna a hlan a ni.
General Assembly hi hun hniha then a ni a, hun khatnaah hian AMFU General Headquarters President Pu Chhuanvawra’n a kaihruai a, AMFU General Headquarters General Secretary Pu Lalhmachhuana’n report pein inhmelhriattirna hun a hmang a. AMFU General Headquarters Sr. Vice President Pu H. Taithuama chuan thu a sawi a, Vice President Pu H. Thangtluanga’n lawmthu sawiin hun khatna a khar.
Hun hnihna hi Vice President Pu PC Lalzirliana’n a kaihruai a, assembly rorel neih niin hruaitu inthlanna neih nghal a ni.
