Khawzawl District Water And Sanitation Mission Meeting Nei
Vawiin khan Khawzawl District Water and Sanitation Mission (DWSM) meeting chu Addl DC Pu K. Zorammuana kaihhruaiin DC Conference Hall-ah neih a ni.
DWSM thutkhawmah hian Member Secretary Er. Liantluanga Chohte, Sr. Executive Engineeer, PHED Khawzawl WATSAN Division chuan Khawzawl District huamchhunga thingtlang khua sawmhnih pangate (25) ODF plus 1st Verification chu kum 2023 khan zawh tawh niin, IMIS ah upload vek tawh a nih thu a tarlang a. September 2026 hma hian 2nd Verification zawh fel hman tur niin, he thuthkhawmah hian Verification Team hnih (2) din nghal an ni.
SBM-G IMIS portal-a Community Sanitary Complex (CSC) leh Bawlhhlawh paihna motor-te functionality verification ti tur pawh ruat nghal an ni a, verification hi portal ah upload nghal tura rel a ni.
Ministry of Jal Shakti thupek bawhzuiin, Sujal Gaon ID nei tura hma lak mek zel a ni a, Rural Piped Water Supply Schemes (RPWSS) Out Village zawh fel tawh niin, IN-Village pawh hma lak mek a ni. Kawlkulhah Plastic Waste Management unit chu sak zawh tawh niin, hman theih tura peih fel a ni tawh a ni a, Faecal Sludge Management siam tura ruahman a ni bawk.
Addl DC Pu K. Zorammuana chuan meeting-a kalkhawmte chu lawmin, faina leh tuihna humhalh kawnga nasa zawka tan la turin leh tha zawka department hrang hrangte thawh ho zel a pawimawh thu a sawi.
