Kolasib ah zonal officers te thukhawm
Vawiin khan Kolasib DC Conference Hall ah disaster management atana zonal officer ruatte leh Khamrang leh Hortoki -I VDMC te an thukhawm a. He hun hi Pi B Malsawmtluangi , Addl DC chuan a kaihruaia, rikrum thulh a hman atana hmanrua – equipment te sem nghal a ni bawk.
Pi B Malsawmtluangi, Addl DC chuan he hunah hian thu sawiin, Zonal officers te an pawimawh na a hriattir nawn leh a. Anmahni hmun theuh ah disaster a thlen in a che hmasa ber leh chanchin hre zung zung tura an inpeih nghal thin a pawimawh hle a ni, a ti a. An huam chhunga khawtlang leh tlawmngai pawl hruaitute nen pawh an thawhho thiam a pawimawh a ni tiin, inthlahdah lo turin a chah nghal bawk.
Addl DC in thusawina a neih zawh hian Disaster equipment te sem nghal a ni a. Portable Siren chu SDO Civil Vairengte, SDO Civil Kawnpui leh SDO Civil Bairabi te kutah pakhat theuh hlan a ni a. Rubber Boat 1, life jacket 4 leh Gazebo tent 1, Khamrang VDMC pek anni a . Life Jacket 4 leh Hruizen 50 mts pahnih Hortoki-1 VDMC hnenah pek anni bawk. Heng Disaster Equipment te sem zawh hian Zonal officers te Disaster response fund leh thil tul dang pawimawh inhrilhhriatna hun hman chhunzawm a ni.
