slice SFB Deepens Northeast Presence with 400+ New Jobs and Two New Branches in Mizoram

Assam-a headquarter nei slice small finance bank (slice SFB) chuan hmarchhak biala sum leh pai lama thawhpui pawimawh tak a nihna chu a chhunzawm zel a, Mizoram-a Serchhip branch leh Bawngkawn branch hawn thar a ni. Thla 12 kalta chhung khan bank hian hmarchhak bialah hna thar 400 chuang a siam a, hei hi khawtlang tih hmasawn nana a hmalakna leh thalaite eizawnna siam sak a tumna a tilang chiang hle. Heng Mizoram branch-te hawn a nih hian slice SFB-in hmarchhak biala sum leh pai lama inpumkhatna kalpui tura a inpekna chu a nemnghet leh a ni. Heng branch te hian tunlai thiamna tihhmasawn kawngah hma an la dawn a, thiamna hrang hrang tih hmasawn leh mipuite nena inthlunzawm kawngah hma an la dawn a ni. Tunlai banking hi thingtlang chhungkua, hmeichhiate kaihhruaina hnuaia sumdawnna leh digital hmang hmasa berte hnaih zawka kalpui tura ruahman niin heng center-te hian sum lama chakna tihpun an tum a ni.

“Tualchhunga sumdawnna tih hmasawn anih theihna tur leh hmasawnna thlen tura kan thil tum hi hmarchhak pual a ni—a bial hian theihna nasa tak a nei a ni,” tiin Mr. Satish Kumar Kalra, MD & CEO, slice small finance bank chuan a sawi. “Banking hi thil tha, hmantlak leh tualchhung mi a ni tur a ni a. Heng branch tharte hian hmarchhak biala inzawmna awmze nei zawk tam tak bul tanna a ni—sum leh pai lama hmasawnna, tualchhung hnathawhna, leh eizawnna ti hmasawntu a ni.” Kum kalta chhung khan slice SFB hian Assam-ah chauh a deposit base-ah 20.7% zetin a pung a, hei hian customer-te rinna sang chho zel leh sum lama inlaichinna thuk zawk a lantir a ni. Lending lamah chuan bank hian MSME, agri-linked business, leh underserved borrower te chu nasa takin a thlawp a, sum pek chhuah chak zawk leh tualchhunga hlawkna hmuh awlsam zawk chu a ngaih pawimawh ber a ni.

Bank hian tunlai banking harsatna hrang hrang chinfel dan tur a duang a, chung zingah chuan sum peipun leh tuna pawisa neih mek bakah tunlai thiamna hman tangkai leh a hlawkna tihpun te pawh a tel a ni. India sorkarin digital inclusion a tum dan nena inmil takin, slice SFB hian sumdawng tenau zawkte’n digital payment awlsam zawka an pawm theih nan voice box technology a hmang bawk a, tualchhung tawng hmanga audio confirmation a pe a, digital thiamna tlemte nei sumdawngte chu digital economy-ah inrintawkna neia an tel theih nan a pui bawk. slice SFB hian hmarchhak bial hlutna ti sang zualin : ngianghehna, leh thil thar siamchhuah kawngah hma thar a lak tir a ni.