CSR atanga dawn school bus pahnih hlanna CSR Cell Chairman Pu TBC Lalvenchhungan telpui
Indian Oil Corporation Limited chuan an CSR atangin Gilead Special School, Bawngkawn tan school bus pahnih an pe a. Bus thar inhlanna hun hi an school-ah vawiin khan buatsaih niin Adviser to Chief Minister Pu TBC Lalvenchhunga, Chairman CSR Cell ni bawk chuan a hmanpui.
Pu TBC Lalvenchhunga chuan, Gilead Special School hruaitute chu kum lam a upa tawh tak te ni hlawm tawh mah se an rawngbawlsak naupangte tan chak takin hma an la reng thin a. An entawntlak hle a ni. An mamawh em em school bus, IOCL ten an rawn thawh hi ka lawm a. IOCL te hi Mizoram sawrkara chhiah chhunglut tam company, mipuite tana luang chhuak nasa tak an ni a, kan tangkaipui hle a an chungah kan lawm hle, a ti. CSR Cell kaltlanga Society leh Company te an thlun zawm chhoh zel thu te, CSR lama awareness programme leh Capacity Building an kalpui zel tur thute a tarlang bawk.
Pu Z Lhungdim, Deputy General Manager (IOCL) pawhin thusawiin, Gilead Special School hotute leh a hnathawktute inpekna chu fakawm a ti a. CSR chu PSU an nih anga an tih ngei ngei tur a nih thu leh a bawhzui leh haichhuah lamah Gilead Special School hruaitute hmalakna hi a ropui hle a ni, a ti. Pu Lhungdima chuan Ephatha Society tan school bus te, Civil Hospital te tan Dialysis hmanrua hrang hrang te an li pek tawh thu leh proposal kal lai eng eng emaw zat an neih thu pawh a sawi a. An company in Mizoram tana hmachhawp a neih te a tarlang bawk.
