VB-GRAMG Orientation and Sensitization Programme DC Pisapui Hall-ah neih a ni
Vawiin khan Aizawl DC Pisapui Hall-ah Viksit Bharat: Guarantee for Rozgar and Ajeevika Mission (Gramin) [VB-G RAMG] Orientation leh Sensitization programme buatsaih niin,Er. Lalhriatpuia, IAS, Deputy Comissioner, Aizawl District chuan meeting a kaihruai.
Vawiin meeting-ah hian MGNREGA atanga VB GRAMG ni ta chungchang inhrilhfiah hun hman niin, VB-GRAMG hi India in ram changkang zinga inhlankai tuma a hmalakna Vikshit Bharat @20247 peng pawimawh tak pakhat a ni a. VB-GRAMG thil tum pawimawh tak chu Kum khat chhungin chhungkaw khat tan ni 125 hna thawh tur duan te, Kum tin buh thar leh seng hunah chawlhkar 8 (ni 60) chhung chawlh hun ( Seasonal Pause) siam te, Department hrang hrang hmalakna te chu kalpui kawp ( Convergence) te leh sawrkar laipuiin 90% leh State sorkar in 10% intum sem tur te hi a ni. VB-GRAMG hi nimin July ni-1, 2026 atangin India ram pumah hman tan a ni a. State Level atanga Village Level thleng Orientation leh Public Outreach (Jan Samvaad) neih mek zel a ni. Mizoram-ah pawh inbuatsaihna nasa taka kalpui tan mek a ni.
Vawiin meeting-ah hian Pu Lalnundika, Project Director, DRDO, Aizawl District chuan presentation pe in, VB-GRAMG hnuaia permissible works leh Category hrang hrangte sawi ho a ni bawk. Line Department te chu lo zirchianga, an department atanga proposal leh mamawh te chu July,2026 chhunga Project Director, DRDO, Aizawl District hnena submit tura tih an ni.
