Thenzawlah World Forestry Day hmang
Vawiin khan Thenzawl DFO Dr R Lalnungrenga hovin JNV Thenzawlah World Forestry Day hman a ni. International Day of Forests (World Forestry Day) hi kum tin March ni 21-ah hman thin a ni a. Kumin pawh hian Thenzawl Forest Division hnuai ah he ni hi JNV Thenzawl ah hman niin, Thenzawl Forest Division staff leh JNV school naupangte leh faculty ten he hun hi an hmang.
Thenzawl DFO Dr R. Lalnungrenga chuan thusawiin kan chhehvela Pathian thilsiamte nena inrem taka awm ho dan kan zir a tul thu te, tui thianghlim in tur kan neih reng theih nan kan ramngaw te kan venhim a tul zia zirtir na te a nei a. He kan ram hi mihringte chauh chenna tura Pathian siam a ni lo a, inngeih tlang taka thilsiam dangte nena chengho tura siam kan ni, a ti.
Thenzawl RO Pu Zirtluanga Hnamte pawhin thu sawiin kumin World Forestry Day thupui “Forests and Economics” a nih ang takin kan ramngaw hi kan economy tithangtu atan i hmang ang u, a ti a. JNV Principal Pu Anish P pawhin environment humhalh a pawimawhzia a sawi a ni.
