Speaker-in wrestler lalhmangaihsangi thingpui inpui
Nl. Lalhmangaihsangi, Dilkhan khua, Khelo India a Bronze Medalist chu Assembly Speaker, Chalfilh A/C MLA ni bawk Pu Lalbiakzama chuan a office chamber-ah vawiin khan thingpui a inpui.Hmangaihsangi hi March ni 28-31, 2026 chhunga “Khelo India Tribal Games”, Ambikapur, Chattisgarh-a neih zawh takah khan Mizoram aiawhin 76kg hnuai lam huangah khelin, “Bronze Medal” a la a ni.
Assembly Speaker Pu Zamtea chuan hetiang ang mi talent nei tha a bial chhunga mi an awm chu a chhuan zia lan tir nan a office-a lengah sawmin, lawmpuina thu ziak (citation) a hlan bakah thingpui a inpui a. National level a zo chhul chhuakte kan lang hi a ropui takzet a, midang te tan entawn tlaka nun fimkhura, nasa lehzuala tan la zel turin a fuih a ni.
Mizoram Wrestling Association President Pu Ngurthansanga, Joint Secretary & Team Manager Hmangaihhlima, Financial Secretary F.Lalmalsawma ten Lalhmangaihsangi hi an ṭawiawm a ni.
