Serchhip district-ah enumeration form 100% sem zawh fel a ni; digitization training neih tan nghal a ni
Special Intensive revision 2026 neih mekah Serchhip District-a Constituency pathum 26 – Serchhip (AC), 27 – Tuikum (AC) leh 28 – Hrangturzo (AC) ahte-a, in tina Enumeration Form sem hna BLO ten an thawh chu, hlawhtling taka zawhfel a ni ta a. Vawiin khan BLO, Additional BLO leh Supervisor te tan ‘Training on Digitization of Enumeration Form’ neih chhunzawm nghal a ni.
Chhingchhip I-V, Hualtu, Hmuntha, Khawbel, Thentlang polling station hnuaia mite tan vawiin khan Hrangliana Run, Chhingchhip venghlun, Bazar Shed-ah Training neih niin, Darlawng, Tlungvel I-III, Phulmawi, Khumtung, Baktawng-I&II, Chhuanthar Tlangnuam-I&II, Buhkangkawn, Hmawngkawn tan Khumtung Bazar, BNRGSK Hall-ah te Training hi neih a ni bawk a. Naktukah polling station dangte tan Serchhip, Thenzawl, E. Lungdar leh N. Vanlaiphai-ahte Training hi neih leh a ni dawn a ni.
Training-ah hian digitization kalpui dan tur inkaihhruaina leh software hman dan tur hrang hrangte inzirtirna neih a ni ang.
