Ni thum awh tur Asian Development Bank (ADB) Inception Mission neih tan a ni
Vawiin khan ni thum awh tur Asian Development Bank (ADB) Inception Mission Mizoram chu SAD Conference Hall-2, MINECO-ah Pu Ramchuana, Finance Secretary kaihhruaina hnuaiah neih a ni.
He meeting ah hian Finance Department hotute bakah, Health & Family Welfare Department, Women & Child Development lehMizoram University aṭangin official ten hun an hmang a.Dr. Lalhriatzuali Ralte, IAS, CEO Mizoram State Health Care Society in kal khawmte lawmna thu a sawi a, ADB officials te hnen aṭangin ADB hmalakna tur hrang hrang ngaihthlak a ni.
ADB hnuaia Mizoram in loan a puk tur – Loan 4718-IND: Supporting Public Health Care System Strengthening to Achieve Universal Health Care for Mizoram Program pualin he Inception Mission hi neih a ni a. ADB aṭanga loan puk tur zat hi $108,000,000 ($108 Million dollars) a ni.
ADB lam aṭangin he Inception Mission a rawn kal te chu- Dr. Nishant Jain, Senior Health Specialist ADB; Mr. Dai Ling Chen, Health Specialist ADB; Ms Michelle J. Hernaez, Project Analyst ADB; Mr. Smruti R. Behera, Project Analyst ADB leh Mr. Shakeel Ahman, Senior Consultant, ADB te an ni. An cham chhungin ADB team te hian Mizoram Chief Secretary pawh an hmu dawn a ni.
