Mizoram Youth Commission bultumin North East Service Hub (NESH) Sensitization Programme buatsaih a ni
Vawiin khan Mizoram Youth Commission (MYC) Conference Hall-ah North East Service Hub (NESH) chungchang inzirtirna (Sensitization Programme) neih a ni.
Mizoram Youth Commission (MYC) chuan North East Service Hub (NESH) chu hman theih turin a kalpui mek a. NESH hi “HNA INPUI” (online job portal) tih thin tih changtlun nan leh huap zau zawk thei tura siam tumna a ni a. NESH hi peih fel a nih hunah chuan Mizoram mai nilovin North-East huam chhunga hnazawngte leh hna thawh tur nei ten, mobile phone hmangin awlsam taka inbiain hna an inpe thei dawn a, hei hian unemployment rate tihhniam kawngah pawh a pui dawn a ni. Ruahman dan chuan North East Service Hub (NESH) hi kumin October thla hian tlangzarh tum a ni.
Vawiin hun hi MYC Secretary Pi V. Lalmuanpuii chuan kaihruaiin, Lailen Consultancy Pvt. Ltd. ten NESH (Apps & Portal) kalphung leh hman dan tur a sawifiah a. He hunah hian Tourism Department leh Mizoram Nursing College atangin official-te an tel bawk a ni.
