Mizoram University Convocation hmanpui turin Vice President-in Mizoram a lo thleng
Mizoram University (MZU) Convocation vawi 20-na Khuallian ni a hmanpui turin Vice President Pu C.P. Radhakrishnan chuan vawiin chawhnu khan Mizoram a lo thleng. Tun hi Vice President a nih hnua Mizoram a lo tlawh hmasak ber a ni.
Vice President hi Lengpui Airport-ah Larsap General (Dr) Vijay Kumar Singh, PVSM, AVSM, YSM (Retd), School Education Minister Dr. Vanlalthlana leh official dangte’n an lo hmuak a. Lok Bhavan-a lo thlenin Larsap bakah Chief Minister Pu Lalduhoma, Home Minister Pu K. Sapdanga, AH& Vety. Minister Pu C. Lalsawivunga leh official dangte’n an lo dawngsawng a ni.
Zanin hian Mizoram Sawrkar chuan Vice President pual hian Lok Bhavan-ah Cultural Programme leh zanriah a buatsaih dawn a. Naktuk hian Mizoram University Convocation vawi 20-na Khuallian niin a hmanpui ang a. Hemi hnu hian Tripura University Convocation vawi 14-na hmanpui turin Mizoram a chhuahsan ang.
