Lungleiah LMC huam chhunga chhiarpui kalpui mek thlir ho a ni
Vawiin khan Lunglei Municipal Council (LMC) huam chhunga chhiarpui (demographic census) kalpui mek thlir hovin LMC Secretary Pi Zoramdini kaihhruaiin LMC official-te, DRO Office hnuaia Supervisor-te leh Enumerator-te chu BoC Meeting Hall-ah an ṭhu khawm.
He hunah hian chhiarpui kalpui mek thlen chin leh hmabak te sawi ho niin, hun bi ruahman sa anga tluang tak leh hlawhtling taka chhiarpui zawh a nih theih nana thil pawimawh hrang hrang sawi ho a ni a.
Lunglei khawpui chhunga mihring cheng zat dik tak hriat theih nana, kumin chhunga data rin tlak neih hman ngei tuma chhiarpui an kalpui mek chu ṭha taka lo ṭawiawm turin LMC hotute chuan Lunglei mipuite an ngen.
