Kum chanve chhungin mithi aiin naupiang tam
Kumin kum chanve chhungin Mizoramah naupiang 10,643 leh mitthi 4,156 an awm.
Mizoram Directorate of Economics & Statistics-in a tarlan danin, kumin kum chanve chhunga naupiang 10,643 zinga 5,269 te chu mipa niin, midang 5,374 te chu hmeichhia an ni a. Hemi chhung veka mitthi 4,156 zinga 2,647 chu mipa niin midang 1,509 chu hmeichhia an ni.
Kumin thla 6 chhungin January thla kha naupiang tam ber thla niin, naupiang 1,845 an awm a. June thla kha mitthi tam ber tum niin, mi 843 an thi a ni. Aizawl district chu kumin thla 6 chhunga naupiang leh mitthi tam berna district niin, naupiang 4,564 leh mitthi 2,114 an awm a. Khawzawl district chu naupiang tlemna ber niin, kumin thla 6 chhung hian naupiang 67 an awm a. Hnahthial district chu mitthi tlemna bet niin, kumin kum chanve chhungin mi 82 an thi a ni.
