KAWNPUI VC-III AH RGSA EXPOSURE VISIT WITHIN STATE PROGRAMME HMAN A NI
Local Administration Department (LAD) leh District Panchayat Resource Centre (DPRC) tangkawp buatsaihin, Rashtriya Gram Swaraj Abhiyan (RGSA) hnuaia ‘Exposure Visit Within State Programme’ chu vawiin atang khan Kolasib District chhunga Kawnpui Village Council-III ah neih tan a ni a. He hun hi July ni 15 leh 16, 2026 chhung hian hman a ni ang.
Vawiin programme tanna hunah hian Pu H. Lalfakzuala, Kawnpui VC-III President chuan kalkhawmte lawmna thu sawiin programme hawnna a nei a. Programme hawnna leh inhmelhhriattirna (orientation) hun hman a nih zawh hnu hian, Kawnpui VC-III te hian tualchhung rorelna tha (local governance) kalpui dan te, khawtlang hmasawnnaah mipuite tel ve na a pawimawhzia leh RGSA hnuaia khawtlang hmasawnna hmanraw pawimawhte chungchangah zirtirna an pe a ni.
He Exposure Visit Programme-ah hian Kawnpui VC-III ten Panchayat Advancement Index (PAI) 2.0 Score tha tak an hmuhna, Local Sustainable Development Goals (LSDG) Theme-2 (Healthy Village) leh Theme-9 (Women Friendly Village) chungchanga hma an lak dante chu zirho a ni dawn a. Hemi bakah hian khawtlang inrelbawlna atana anmahni puala sum an tuak chhuah dan (Own Source Revenue) tha tak an neihte chu a hmuna tlawha zirho tura ruahman a ni.
