Inrinni khan YMA Zobawk Group Inkhawmpui aiawh Rorel Vawi -7-na leh Kumpuan chu Bualte Community Hall ah neih a ni
Zobawk Group YMA President Pu C.Vanlalhmuaka chuan he hun hi kaihruaiin YMA Sub-Hqrs Lunglei Secretary Pu C.Lalrindika chuan Ruihhlo Do hi kum puan ah hmalakna kal mek ani tih sawiin nasa lehzuala tan lak a ngaih avangin thar thawh leh ani a ti a, Mizoram dinhmun leh thalaite dinhmun enin thla a muang lo tih sawiin nasa taka min nghaisa mektu Ruihhlo Do turin YMA bakah mimal, chhungkua, kohhran te tanrual a pawimawh thu sawiin Ruihhlo leh a kaihhnawih chu mitin hmelma ani tih a sawi.
Pu C.Lalrindika chuan Ruihhlo Do turin mitin ralbang bik awm a rem lo tih sawiin mipui nawlpui, Kohhran leh Sawrkar in theihtawp chhuah chhungkaw tinin hmalak a ngaih thu a sawi a ni.
Tun dinhmun ah YMA Zobawk Group hnuai ah hian Branch 11 awm mek in member – 2892 an awm a, YMA member hi nikum April leh kumin April inkarah mi 16 an boral a ni.
