Champhaiah sapthei ching turte tan training buatsaih
District Horticulture Office, Champhai chuan vawiin khan sapthei ching turte tan DHO Training Hall-ah mi 80 (sawmriat) tan training a buatsaih a. He training a tel sapthei ching turte hi AES of Passion Fruit (Special intervention) under MIDH 2024-2025 a thlan chhuah te an ni a, Vaphai a ching tur an tam ber a, mi 46 (sawmli paruk) ching tura thlan an ni.
Training hi ADHO Pi Lalrinmawii chuan a kai hruai a, resource person atan DHO Pi Lalrinchhani hman niin sapthei chin dan tur kimchang – a phun dan atanga a zamna siam leh a phun dan, a zamna siam, a rah seng hnu thlenga sawngbawl dan te zirtir an ni a, sapthei eichhetu rannung leh natna laka thlai ven dan te zirtir an ni bawk.
Resource person chuan MIDH Special Intervention hnuaia sapthei ching tura thlan chhuahte chu sorkarin a enkawlna a pek te tangkai taka hmang tur leh hlawk taka an tharchhuah theuh theihna turin theihtawpa hma la turin a ngen a. Champhai District tana hmasawnna rahbi thar an kai theihna tur leh kuthnathawktuten dinchhuah pui nana an hman ngei theihnan taima tak leh tha thlah lo a thawk turin a ngen. Training zawh hian zawhna leh chhanna hun hman ho niin loneitu kalkhawmte pawn an training dawn chu hlawkthlak an ti hle a ni. Samthangah mi 70 (sawmsarih) tan training hi naktukah neih a ni bawk ang.
