BJP Mizoram in Women Reservation Bill pass an lawm thu an sawi
Nari Shakti Vandan Adhiniyam Incharge te chuan nimin khan Aizawl Press Club thuthar lakhawmtute kawmin Women Reservation Bill pass tawh hman theihna tura sawi ho a ni tur chu lawmawm an tih thu an sawi.
Nari Shakti Adhiniyam Convener Pi Lalremsangi Fanai, State Jt Treasurer chuan Nari Shakti Vandan Adhiniyam chu hmeichhia te dikna leh zahawmna ti langtu a ni tih sawiin, Dan satliah nilo in hmeichhe chak te tihchak lehzualna tur anih thu a sawi.
Pi Lalremsangi Fanai chuan NDA-BJP kaihhruai hnuaiah kawng hrang hrang in India ram in bungthar a kai tih sawiin hun rei tak atanga buaipui hlawh Women Reservation Bill pawh Parliament rorelna sang ber (Lok Sabha leh Rajya Sabha) in lungrual taka Lok Sabha leh State Legislative Assembly a hman tura Nari Shakti Vandan Adhiniyam Constitution (108th Amendment) Act, 2023 / Women’s Reservation Act, 2023 a passed a ti a. Parliament Building thar chhunga rorelna hmasa ber leh Bill pass hmasa ber, India ram hmeichhiate tana seat hmun thuma thena hmun khat zuahna tur atana Bill pawimawh pass ani chu lawmawm atih thu a sawi a ni.
