AMC inthlan result puan fel a ni
AMC 2026 inthlan result nimina puanah Ward 19-ah ZPM chuan ward 17-ah hnehna a chang a, chiang takin sorkarna an siam thei.
ZPM bakah hian AMC term hmasa a sorkarna siamtu Mizo National Front (MNF) leh Mizoram Pradesh Congress Committee (MPCC) te chuan ward pakhat ve veah hnehna an chang ve bawk.
Coporator atana thlan tharte chu – Ward no 1-ah Pu Vanlalhriata (ZPM), Ward no 2-ah Pi R. Lalmawipuii (ZPM), Ward no 3-ah Pu Vanlalfaka (ZPM), Ward no 4-ah Pi Vanlalhriatrengi (ZPM), Ward ni 5-ah Dr Lallawmkimi Tochhawngi (ZPM), Ward no 6-ah Pu H. Lalremtluanga (ZPM), Ward no 7-ah Pu Zochhuana (ZPM), Ward no 8-ah Pi Christina Roluahpuii Sailo (ZPM), Ward no 9-ah Pi B. Lalawmpuii (MNF), Ward no 10-ah Pu PB Lallawmzuala (ZPM), Ward no 11-ah Helen Rualchhingi (ZPM), Ward no 12-ah Pi C. Vanlalhruaii (ZPM), Ward no 13-ah Pu Vanlalhruaia (ZPM), Ward no 14-ah Roy Lalhriatpuia (ZPM), Ward no 15-ah Pu VL Zamlova (ZPM), Ward no 16-ah Pi R. Lalawmpuii (ZPM), Ward no 17-ah Pi Lalremruati Sailo (ZPM), Ward no 18-ah Pu K. Lalrodinga (ZPM) leh Ward no 19-ah Dr. Lalmalsawma Nghaka (INC) te an ni.
Tun tumah hian Mipa leh hmeichhe chuh theih Ward pathum- Ward No 8, Ward No 9 leh Ward No 16 ah te chuan hmeichhe candidate Pi Christina Roluahpuii Sailo (ZPM), Pi B. Lalawmpuii (MNF) leh Pi R. Lalawmpuii (ZPM) te an tling a. He ti hian tun AMC-ah chuan corporator hmeichhia 9 an awm dawn a, Ward No 4 chu inhnehna vote sanna ber niin, ZPM candidate Pi Vanlalhriatrengi’n amah hnaih bertu Pi R. Lalnunthari (MNF) chu vote 2,121 in a hneh a. Ward No 9 chu vote inthlauhna hniam ber niin MNF candidate Pi B. Lalawmpuii chuan amah hnaih bertu ZPM candidate Pu Zoramchhana chu vote 118 in a hneh a ni. ZPM-in hneh taka AMC an lak takah hian ward 16-na a tling Pi R. Lalawmpuii chu Aizawl Mayor a nih rin a ni a. ZPM hruaitute chuan hemi chungchang hi an ngaihtuah thuai dawn niin an sawi.
AMC inthlanna-a voter awm zat chu hmeichhia – 1,29,656, leh Mipa 1,10,333 an ni a, an vaiin voter hi ni 2,39,989 an awm a, Mipa ai hmeichhia an tamna chu 19,323 a ni. April ni 21-a AMC inthlan ah Vote 1,50,640 a tla a ni.
