Adviser to CM Er. H. Ginzalala’n Road Side Market tur en
Vawin khan MLA & Adviser to CM ni bawk Er. H. Ginzalala chuan Neihdawn khaw tana Road Side Market sak tur a hmunah a en fiah. He Road Side Market (Rural Haat) hi NABARD atanga fund dawn niin ATMA, Champhai District chu Implementing Agency tur an ni.
Er. Ginzalala chuan “hna tha, hna rintlak leh kum tam tak daih tur a sak a nih theih nan Neihdawn khaw mi te leh ATMA, Champhai District chu a fuih a. Loneitute te khawtlang tan a tangkai a nih ngei a beisei tlat thu sawiin hna tha lo leh fel lo pumpelh turin a chah nghal a. Neihdawn Loneitute thlai thar, awlsam zawk a harlh theih a nih theih nan a bul tanna a nih tur thu sawiin helai hmun hi a zauh avangin Futsal Ground te, Homestay te la din belh zel chu a thil tum a nih thu sawiin Khawtlangin an hman tangkai tur a nih chuan theih tawp chhuah zel a tum thu a sawi a. Hei bakah hian ATMA, Champhai District te chungah lawmthu sawiin he Road Side Market lo chhuah theihna atan a theih tawp an lo chhuah chu khawtlang tan a lawmawm thu a sawi bawk a ni.
Dr. C. Lalhriatpuia, PD ATMA, Champhaiin Technical Report te a sawi fiah bawk a, Road Side market chu feet 100 a sei tur a ni a, NABARD lam duh dan angin Solar lighting te, toilet te leh kudam te a awm dawn thu sawiin loneitute thlai hralh theih loh pawh Vermicompost a chan tirin man nei vekin eng mah paih a awm loh tur thu a sawi bawk a. A drawngin angin tunlai tak leh changkang tak a sak a nih tur thu a sawi bawk a ni.
