Rashtriya Gramin Vikas Sammelan, New Delhi- neihah Rural Development Minister Prof Lalnilawma a tel
Ministry of Rural Development, Government of India in MGNREGA thlaktu, thingtlang mipui te inhlawhna tur, Viksit Bharat – Guarantee for Rozgar and Ajeevika Mission Gramin (VB-GRAMG) te, thingtlang nuho hmasawnna tur National Rural Livelihood Mission leh Pradhan Mantri Awaas Yojona-Gramin leh Scheme dangte chungchang sawihona hunah a tel. New Delhi-a he programme hman mek hi Pu Shivraj Singh Chouhan, Union Minister of Rural Development, Government of India hoa neih a ni.
Rashtriya Gramin Vikas Sammelan ah hian July 1, 2026 atanga hman tan tur VB-GRAMG inpuahchahna leh inbuatsaihna sawihonaah hian, Union Minister bakah State hrang hrang a Rural Development Minister te an tel kim hle a. VB-GRAMG atana Central Sawrkar in Mizoram tan Rs.611.65 crore a pek tawh thu te, State Matching Share Rs.67.95 crore pawh State Sawrkar in a tih fel tawh thute he hunah hian sawilan a ni.
Ram pumah VB-GRAMG hman a nih dawn tak avanga MGNREGA a State tin ten leiba an neih te sawi ho niin, chung leiba chu Central Sawrkarin chinfel a tum dan te sawiho a ni bawk.
Prof Lalnilawma pawhin thusawiin, Mizoram chu State Scheme siam hmasa ber a nih thu te, State Rules hrang hrang pawh a ruangam peih vek a ni tawh thu te, internet connectivity chiang kuang lo chung chunga e-KYC leh Face Authentication ah te Mizoram chu a sang pawl an nih thu te a sawi a. MGNREGA hnuaia contractual staff te hlawh, Central liability te chinfel a nih vat theih nan Ministry of Rural Development hotute a ngen a. MGNREGA ang bawka VB-GRAMG chu tangkai taka mipuiin an hman zel a beisei thu te a sawi bawk.
National Rural Livelihood Mission ah hian Performance Review meeting te neih niin, tun Financial Year a hmalak dan tur te Prof Lalnilawma chuan a sawi a. Thingtlang nuho in awlsam leh hlawk zawka Central Sawrkar Scheme te an chhawr theih nan Mizoram chu a bik taka ngaihtuah turin Prof Lalnilawma chuan Union Minister a ngen bawk.
Pradhan Mantri Awaas Yojona-Gramin pawh thingtlanga mi rethei zawk ten an chhawr thuai theihna turin Central Sawrkar leh State Sawrkar te thawh hona tha a pawimawh thu a sawi a. AwaasPlus Survey zawh a nih veleh sum pawh pe thuai turin a ngen bawk.
