Health Minister Pi Lalrinpuii’n kolkata MUHCS Empanelled Hospital tlawh
Vawiin khan Health Minister Pi Lalrinpuii chuan Kolkata a MUHCS Empanelled Hospital, Mizo damlo refer tamna – Natralaya RN Tagore Hospital leh Manipal Hospital, EM bypass Road ami te chu a tlawh.
RN Tagore Hospital Lung lam leh kal thlaknaclama damdawiin experiance nei tha tak an niin, Civil Hospital, Aizawl a kidney Transplant Kan kalpuina tura min puitu hospital an ni a. Tunah hian Civil Hospital Doctor leh Staff ten training thawhkhatna an nei zo tawh a, training thawhhnihna neih leh tum mek a ni a.
Health Minister chuan damlo refer te lo enkawl mai bakah Tagore Hospital leh Mizoram damdawiin te chuan Mizoram Sawrkar damdawiin tihchangtlunna tura hmachhawp hrang hrangah thawhhona tam zawk neih a duh thu a sawi a, damdawiin a awm mek mizo damlo te pawh harsatna an neih leh neih loh zawtin, a kan nghal bawk a ni. Damlo boral palh an awm a, Death Certificate pek chhuah muang deuh hlek thin pawh a rang thei anga pe chhuak turin tagore hospital hotute chu a ngen nghal a ni.
