Chief electoral officer hovin electoral roll observer thukhawm
Vawiin Khan Chief Electoral Officer Pi Garima Gupta, IAS hovin SIR (2026) kalpui meka Electoral Roll Observer ten Secretariat Conference Hall, MINECO ah Electoral Roll Observer te tihtur leh hriattur te zir hona hun an hmang. CEO chuan ECI duhdan ang ngeia Electoral Roll dik leh felfai kan neih theihnana ruat an nih thu ERO te hrilhin, electoral roll thar hlak buatsaih a nih avangin ERO te chu fimkhur taka hna thawk turin a chah a. Final roll chhuah hma ngeia an district chan theuh te chu vawithum tal an tlawh chhuah a tul thu a sawi a. Mipui ten harsatna an neih ang te ngaihthlak sak turin a chah bawk a ni. ERO te hian harsatna an nei a nih chuan CEO office in an puih theih reng thu a sawi bawk.
Khawzawl Election Officer, State Level Master Trainer ni bawk Timothy R. Vanlalhmangaiha, chuan Electoral Roll Observer te tihtur tul Powerpoint Presentation hmangin a zirtir a. Mizoramin SIR-a kan thlen chin te tarlangin, SIR kalpui mek state-a a hmahruaitu kan nih thu a sawi a. Electoral Roll Observer ten an hriat duh te zawtin, sawihona hun an hmang zui nghal bawk a ni.
Electoral Roll Observer atana ruat te chu, Pu K. Lalthawmmawia ( Commisioner & Secretary DP&AR / UD & PA), Pi Lalzarmawii ( Commisioner & Secretary Social Welfare, Women & Child Development ), Dr. Lalrozama ( Commissioner & Secretary Higher & Technical Education ), Pu V.Lalsangliana ( Commisioner & Secretary Sports & Youth Services), Pi Zodingpuii ( Secretary, Art & Culture / PHE ), Dr. Lalhriatzuali Ralte ( Secretary LESDE/ CEO, Mizoram Health Care Society) te an ni.
