Champhai-Ah ‘VB-G RAM G’ Chungchang Zirhona Neih A Ni
Vawiin khan DC Conference Hall, Keifangtlangah VB-G RAM G’ chungchang zirhona Pu Mohammad Aaquib, DC hovin neih a ni a, Pu James Lalnithanga, Project Director, DRDO Champhai-in hun a kaihhruai a ni.
He hunah hian July ni 1, 2026 a hman tan tur VB-G RAM G thil tum leh hna hrang hrang thawh dan tur sawiho a ni a. Pu Lalengkima, APO, DRDO Champhai hnen atangin he scheme thlirzauna (Overview of VB-G RAM G) ngaihthlak a ni a, Er. H. Zahmingliana, ARE, DRDO Champhai chuan he hmalakna hnuaia hna thawh dan tur Permissible works (Vikshit Gram Panchayat Plan (VGPP) kalphung zirtirna a pe a ni. Pu Vanlalchhanhima, MIS Nodal Officer, DRDO Champhai chuan Bio-metric authentication of worker, functionaries and transition, Geo-fencing leh Mobile Application hman dan chungchang hrilhfiahna a nei bawk a ni.
He hunah hian Champhai Town huam chhunga Programme Officers, Additional Programme Officers, Computer Assistants, Technical Assistants, Village Council Member leh VC Secretary-te an tel a zawhna leh chhanna hun hlawk tak neih a nih hnuah Pu Larry Lalbiaktluanga, RAO, DRDO Champhaiin lawmthu sawinain hun a khar a ni.
