Khawzawlah Vaf Leh ELC-Te Tan Sir 2026 Chungchangah Training Buatsaih A Ni
Vawiin khan Khawzawla Voter Awareness Forum (VAF) leh Electoral Literacy Club (ELC) Convener-te tan SIR 2026 chungchang inzirtirna hun BDO Office-ah buatsaih a ni a.
He hun hi BDO Pu Timothy R. Lalhmangaiha, Election Officer ni bawk chuan kaihruaiin, Enumeration Form fill up dan te, ECINET App hmanga 2005 Electoral Roll-a mahni details en dan leh Form thehluh dan te a sawi a. Kalkhawmte chu SIR ngaipawimawha Enumeration Form thehlut ngei turin leh an thawhpui, an chhungte leh thiante hrilhhretu leh kaihruaitu a tang turin a chah.
Vawiin training-ah hian SDC Pu R. Lalrinhlua, District Level Master Trainer ni bawk chuan SIR chungchang sawifiahna leh sawizauna hun a hmang a. DIPRO Pi Lalchungnungi Lakher, District Media Nodal Officer ni bawk chuan SIR chungchang awareness neih dan tur hrang hrang sawina hun a hmang bawk.
