Commerce, Industries, Geology & Mining Minister Pu F. Rodingliana’n Industrial Estate Zuangtui a tlawh
Nimin tlai khan Commerce, Industries, Geology & Mining Minister Pu F. Rodingliana’n Industrial Estate Zuangtui a tlawh a. Industry hrang hrang – Plastic Tanky industry, Handloom Industry, water bottling plant, toughened glass siamna leh Tin Roof industryte tlawhin, an hnathawhte a endik.
He hunah hian CIG&M Minister Pu F. Rodingliana leh Mizoram Industries Owner’s Association hruaitute chuan meeting nei nghal in, MIOA hruaitute hian Industry hmangaihtu Minister an nei chu lawmawm an ti a. MIOA hruaitute hian Industrialist ten harsatna an tawh hrang hrangte Minister hnenah hian an thlen.
MIOA hruaitute hian Mizoram chhunga entrepreneurs ten industry dinna tur ram an hmuh zawh tawhloh thu leh, industrial area awmsa te pawh encroachers ten an tihbuai avanga harsatna an tawh thu an thlen a, hei hian Central scheme an claimna thlenga a tihbuai thu an sawi a, an buaina te chinfel sak turin an ngen.
