PCCF in Kawrthah Forest Division a tlawh
Nimin khan Pu Rajeev Kumar Tiwari, IFS,Principal Chief Conservator of Forests (PCCF),Environment, Forests & Climate Change Department, Mizoram chuan Kawrthah Forest Division a tlawh a, field-a hnathawh dan thlirletna te, harsatna awm zirchianna te, ramngaw humhalh leh enkawlnaa tha zawka a kal theih nan hmalak zel dan tur a sawipui.
24th April khan Pu Rajeev Kumar Tiwari chuan Darlak Central Nursery a tlawh a, hna thawh mek te enfiahin chumi hnuah Kawrthah-a Division Headquarters a tlawh a, DFO Kawrthah te nen department hnathawh leh hmunhma te an tlawh a ni.
Kanhmun Range-ah Mualmam-a CAMPA ANR plantation a tlawh a,Division-in thingphun leh ramngaw siam tharna kawnga hma a lakna chu fakawm a ti.He hunah hian Division-in harsatna a tawh hrang hrang te,Luimawi leh Bungthuam khua, ramri bula teak kih ruk leh tawlh ruk chungchanga harsatna awm te a hmuna kalin a enfiah.
Mizoram-Assam ramri Medili bial pawh tlawh in, ramri buai dinhmun leh a hmunhma te a enfiah bawk. Zamuang-a mimal teak huan, conditional felling scheme hnuaia ram surrender hmasa ber neihna hmun a tlawh a,he hmun hi department plantation atana siam that leh thing phun lehna tura hmalak mek a ni.
Pu Rajeev Kumar Tiwari hian Rengdil (Lungkulh Biodiversity Hotspot) tlawhin biodiversity hausakna leh eco-tourism tih hmasawnna lama hmalakna kal mek chu lawmawm a tih thu a sawi.
