Union Minister of State for Home Affairs Pu Bandi Sanjay Kumar in Siaha Sawrkar hotute kawm
Mizoram tlawha lo zin mek Union Minister of State for Home Affairs Pu Bandi Sanjay Kumar chuan video conference kaltlangin vawiin khan Siaha district chhunga sawrkar department hotute kawmna chu MINECO Secretariat Conference Hall, Aizawl atangin a nei a, Siaha District Bawrhsap Pu VL Hruaizela Khiangte hovin head of office leh MADC Official ten DC Mini Conference hall, Siaha atangin an lo chhim a ni.
Union Minister of State for Home Affairs Pu Bandi Sanjay Kumar hi vawiin hian Siaha tlawh tura duanlawk ni mahse khua in a zir loh avangin ruahmanna tih danglam a ni.
He hunah hian Department hotuten district chhunga hmalakna hrang hrang tarlanna an nei a, an hnathawh meka harsatna an tawhte an thlen nghal bawk. Cross border chungchang bakah thenawm ram te nena insumdawn tawn chungchang te, Ruihtheihthil leh puakthei thil lakluh chungchangte bakah zirna leh hriselna lama district dinhmun leh chawikan zel dan tur te sawiho a ni.
Minister hi Pu Andra Vamsi, IAS , PS to MoS (Home) leh Protocal Officer te bakah official dang ten an tawiawm a ni.
