Kawrthah Forest Division in Forest dan leh hrai zirtirna hun hmang
Vawiin khan Kawrthah Forest Division YMA Run, Kawrthah Hmarveng-ah “Kan ramngaw kan nunna” tih leh “Kan ramngaw hi kan nun khawchhuahna a ni” tih thupuia hmangin forest dan leh hrai te inhriattirna hun hman a ni a, Pu Karthikeyan V, DFO Kawrthah chuan hun a hmanpui.
Pu Karthikeyan V chuan Forest (Reserve Forest) chhunga cheng khaw mipuite dikna chanvo leh mawhphurnate mipuite hnenah hrilhfiahin, Tut-Langkaih Protected Council Reserved Forest chungchang sawifiahna te a nei a ni.
Vawiin programme-in a tum ber chu forest ram chhunga cheng khaw mipui ten forest kaihhnawih dan an hriat te, an dikna leh mawhphurhna hriattir te leh mihringte leh ramngaw inkara inkungkaihna tha tak a awm zel theihna tura hmalak te a ni. Tut-Langkaih Protected Council Reserved Forest chungchang an hriat dan questionnaire buatsaih chu mipui kalkhawm ten ziakin an chhang a,inhrilhfiah a nih hnuah he mi chungchang vêk questionaire hi chhan tir leh an ni. Kawrthah khawchhunga Village Council member te, MUP, MHIP leh YMA Committee member te nen hun hman a ni.
Mipui lam atangin Forest Department chunga an lungawihlohna leh harsatna an tawhte ngaihthlak niin chinfelpui dan tur te sawiho a ni.
