Home Voting vawiinah zawh fel a ni dawn
Aizawl Municipal Corporation-AMC inthlan atana Home Voting neih mekah mi 2570 in vote an thlak tawh a, vawiinah zawh fel hman beisei a ni.
Thudawn danin nimin tlai thlenga Home Voting kaltlanga vote thlak hi mi 1986 an tling tawh a, za zela 92.85% in Home Voting tura in report mi 154 awmlo an awm a, Vote thlak tur hi mi 44 la awmin Home Voting hi vawiin thleng kalpui ani dawn a ni.
Home Voting ah hian nimin khan mi 584 in vote an thlak a, Home Voting atan hian kum upa te, damlo natna khirh bik nei polling station pan theilo te leh pianphung a rualbanlo polling station pan theilo te tan ruahman a ni a, AMC Ward 19-ah kalpui vek tur a ni a, Ward tinah Home Voting Team pakhat theuh awm in, Home Voting ti tura dilna lut zat hi 2768 a ni a, ni 4 chhung a vote thlak hi zawh hman tura ruahman a ni, Municipal Ward – 2 ah dilna hi lut tamber in diltu mi 209 an awm a ni.
