Government saiha college zirlai te tan road safety awareness programme-hman a ni
Vawiin khan Government Saiha College Seminar Hall, College Vaih Siaha-ah Road Safety Awareness programme hman a ni a, Dr. Manesia Khaimeichho, District Transport Officer, Siaha District, Siaha chuan he hun hi a kaihruai.
Dr. Manesia Khaimeichho, DTO chuan Government Saiha College-a zirlaite leh official kal khawmte lawmna thu a sawi a, thusawi an ngaithlakte chu mahni vengah ṭheuh pu darhtu ni turin a sawm nghal bawk. DTO tarlan danin Siaha District-a lirthei khalhtute man annih nachhan ber chu lirthei document thi leh lirthei khalh phalna (license) nei lo a ni, a ti. Zirlai kal khawmte chu an hmalam hun atana an inbuatsaihnaah ruihhlo tichhin lo tur leh, rui chung phei chuan lirthei khalh miah lo tura chahin, rui chunga lirthei khalhte man annih chuan khawl (sytem) ah chhinchhiah vek anih avangin an zir zawha hna an zawn hunah harsatna an tawh a hlauh thu a sawi.
Vawiina hun hmannaah hian MVI Pu K. Vanlalrema, Traffic OC Pu A. Lalthianghlima leh MADC-a Assistant MVI B. Sawma ten traffic dan leh dun chungchanga hriattur pawimawh hrang hrang zirtirna an nei a, zirlaite zawhna an chhang nghal bawk. District Transport Officer Office Siaha buatsaih vawiin hun hmannaah hian Government Saiha College-a zirlaite leh official an tel a, Dr. Manesia Khaimeichho, DTO chuan lawmthu sawina a nei a, hun hman tihtawp a ni.
