Kawrthah Forest Division-in World Wetland Day, 2026 hmang
Kawrthah Forest Division leh Zamuang Range hmalaknain vawiin khan World Wetland Day, 2026 chu Rengdil (Lungkulh)-ah an hmang.
World Wetland Day chu Mizorama tuihna hmun pawimawh, Rengdil (Lungkulh)-ah hlawhtling taka hman a ni a. Wetland chungchang inzirtirna atan leh Ramsa leh Sava te leh tuia cheng chi te tana wetland pawimawhzia inhrilhna hun hman a ni a.
He hunah hian Pu Karthikeyan V, IFS, DFO, Kawrthah chuan Zamuang Middle School zirlaite pualin tuihna hmun (wetland) leh a rinchhana nungcha chengte humhalh pawimawhzia a sawi a. Zirlaite tan sava thlir hona (birding watching session) hlimawm tak neihpui an ni bawk.
Zirlaite leh Forest Department thawktute leh Zamuang Middle School naupangte chuan Rengdil (Lungkulh) chhehvel tifaiin hnatlang neih zui a ni a. He lai hmun tlawhtute’n bawlhhlawh hnutchhiat lova thianghlim taka enkawl zel turin Kawrthah Forest Division chuan mipuite a ngen a ni.
