12TH LADC-MDC INTHLANPUI VOTE TLUANG TAK A CHHIAR ZAWHFEL A NI
12th LADC-MDC inthlanpui 2025- a vote tla te chu tukin zing dar 8:00 AM atang khan Govt. Lawngtlai College Hall- ah chhiar a ni a, chawhnu dar 1:30 PM ah zawh fel a ni. Vote chhiar nan hian Counting Hall pathum awmin, Counting Hall- 1, (5 Tables), Counting Hall- 2, (8 Tables) leh Counting Hall – 3, (9 Tables) ah te chhiar a ni. 12th LADC- MDC inthlanpui 2025- ah hian MDC bial – 25 ah vote thlak niin, vote – 56, 873 awmah , EVM – a vote tla zawng zawng – 47, 769 niin, Postal Ballot-ah vote – 453 a tla bawk a ni.
