Pm-ddky leh national mission on pulses programme tlangzarhna hun kvk kolasib atangin live telecast hmanga chhim ve a ni
Vawiin khan India ram Prime Minister, Pu Narendra Modi chuan Kuthnathawktute chhawmdawlna tur Scheme Pradhan Mantri Dhan Dhaanya Krishi Yojana (PM-DDKY) leh National Mission on Pulses te chu NASC Complex, Pusa , New Delhi atangin khuhhawnna a nei a, he scheme hian cheng vaibelchhe 42,000 chu farmer thlan bikte hnenah a sem dawn a ni. He hun hi KVK Kolasib ah line department leh loneitu mi engemawzat in live telecast hmangin an lo zawm ve a ni. He hun hi KVK Kolasib Senior Scientist Dr. Michelle C. Lallawmkimi’n kai hruaiin he scheme chungchang hi loneitu kal khawm te a hrilhfiahna hun a nei.
He mi hunah hian department hrang hrang atanga lo kal te Agriculture, Horticulture, Vety leh ATMA lam ten loneitute tana hamthatna department in a neih te sawina hun an hmang bawk a ni. Union Cabinet chuan July 16, 2025 khan PM-DDKY hi kum ruk chhung atan a pawmin financial year 2025–26 atanga 2030–31 thleng awh turin ruahmanna a siam a.
PM-DDKY bul tan nan hian Sorkar chuan hamthatna dawng tur aspirational agricultural district 100 thlangchhuakin Mizoram ah pawh Mamit District chu thlan a ni. He scheme hnuaiah hian loneitute chuan thlai enkawlna hmanraw thar te, sum lama tanpuina leh crop insurance bakah a hralhna kawngah hamthatna tha zawk an dawng thei dawn a ni.
