Nu leh naupang tana chaw tha inzirtirna, Poshan Maah chu Mizorama Anganwadi Centre hrang hrangah hman mek a ni
Poshan Maah chungchangah hian Mizoram Women and Child Development Department Deputy Director Pi Sailopari chuan Poshan Maah chu sorkar laipuia Ministry of Women and Child Development in a duan a ni tih sawiin, he programme in a tum ber chu naupang than thu, naupang an san zawng en a cher leh lutuk, naupang thang tha lo, leh thisen tlakchhamna tihtlem te a ni a ti a, tun thla kal mek September hi ei leh in chungchanga inzirtirna beihpui thlakna thla a nih angin Mizoram hmun hrang hrangah pawh Poshan Maah hi hman mek a ni a, Pi Sailopari chuan Mizoram khaw hrang hranga Anganwadi Centre-ah naupang kum 3 atanga kum 6 inkarte hnena inzirtirna tur, thiam bul tanna bu siam a ni a, eitur leh damdawi tha te an sem bawk thin tih sawiin, nu pum chhung a naute a insiam atanga kum 2 a nih thleng chu mihring huna hun pawimawh ber a ni a, hemi hunlai hian nu pawhin iron leh calcium tiamin damdawi leh eitur tha a ei a pawimawh hle a, naute a lo piana thla 6 a nih thlengin nu hnute tui chauh hmanga chawm chu a tawk a ti a, thla 6 a tlin hnu atangin chaw pangngai thei leh thlai her dip eitir a tha hle tih a sawi a ni.
Women & Child Development, Urban Development & Poverty Alleviation Department, Mizoram Pollution Control Board leh PYD General Headquarters ṭangkawp chuan vawiin khan Rashtriya Poshan Maah 2025 (National Nutrition Month) & Swachhata Hi Sheva 2025 pualin Women & Child Development ‘Say No to Single Use Plastic & Promoting Eco Friendly Alternatives’ programme MINECO-ah an hmang a, hnatlang neih chhunzawm niin, MINECO chhehvel an tifai.
