KOLASIBAH PM AWAS MELA – SHEHRI LEH LOK KALYAN MELA STREET CAMPAIGN NEIH
Vawiin khan District Urban & Poverty Alliavation Department Kolasib buatsaihin PM Awas Mela Shehri (Angikaar) leh Lok Kayal Mela, PM SVANidhi: (In sak tanpuina leh Street Vendors loan) chu Venglai Bazar leh Banglakawn Bazar, Kolasib ah Street Campaign neih a ni.
He hunah hian Pi Josephine Zonunsangi, DUDO, UD&PA Deptt Kolasib chuan Campaign neih anih chhan sawifiahin, Ministry of Housing & Urban Affairs, Govt of India in State tinah Campaign nei tura a tih angin Campaign hi neih mek a ni a thu a sawi a. Angikaar Campaign hnuaia PM Awas Mela Shehri in a tum ber chu khawpuia cheng In leh lo neilo te leh In sa mek ten Sorkar hmalakna an lo hriat a, an tana hamthatna awm thei apiang te an hriat theih nana hmalak pui hi a tum ni, a ti a. Tin, PM SVANidhi hnuaiah Lok Kayal Mela neih anih chhan pawh khawpuia chhungkua eizawnna ngelnghet neilo ten Loan pung tlem zawk hmanga an chhungkaw dinhmun an lo sawhngheh theih nana hmalakpui te hi an ni a ti bawk.
Campaign chhung hian HELP DESK siam a ni a, PMAY Beneficiary ten Fund Release dan leh Installment lokal leh hun tur te zawhfiahna an nei a, Street Vendor ten PM SVANidhi hnuaia Loan lak theih dan te an zawtfiah bawk. HELP DESK hmang hian an zawhna te chinfel pui nghal zel a ni.
