Chief minister-in high level task force on handloom online meeting telpui
Vawiin khan Ministry of DoNER hnuaia High Level Task Force on Handloom & Handicraft, Pu Neiphiu Rio, Nagaland Chief Minister kaihhruaina hnuaia dinte chu online hmangin an thukhawm leh a. Member a nih angin Chief Minister Pu Lalduhoma pawhin a office atangin a lo zawm a. Pu Khilli Ram Meena, Chief Secretary, Pu Vanlaldina Fanai, Commissioner & Secretary to CM, Pu H. Lianzela, Director, Commerce & Industries ten an tawiawm.
Chief Minister chuan, meeting hmasaa kan sawite bawhzuiin Mizoramah Handloom & Handicraft kalpui theihna hmunte kan thlang fel tawh, a ti a. Hmarchhak bial huapa hmasawnna tur rawtna pali; Cluster base-a hmarchhak huapa kal thu te, E-commerce tangkai zawka hman te, ram pawna thawhchhuah lama hmalatu tur din leh Handloom & Handicraft lama Inter- State leh Centre thawhhona council chak tak din te an ni. Rawtnate an sawiho nghal a, hmalak zel dan tur an duang bawk.
Ministry of DoNER hnuaiah hian hmarchhak bial huap hmasawnna hna kalpui dan tur road map duangtu High Level Task Force hrang hrang din a ni a. Heng Task Force te hian meeting neiin hmalakna tur an duang mek a ni. Report an peih hunah DoNER ah hian an thehlut ang a, a taka bawhzui dan an dap zui ang.
