Khawzawlah School Safety Policy, 2016 chungchanga hmalak dan tur sawihona hun neih a ni
Vawin khan DC Chamber Khawzawlah District Disaster Management Authority (DDMA) Khawzawl bultumin School Safety Policy, 2016 chungchangah DEO leh SDEO te nen hmalak dan tur sawihona hun neih a ni a, District Bawrhsap Pu K. Vanlalthiana’n a kaihruai.
Meeting ah hian Khawzawl School hrang hrang te dinhmun ngaihthlak a ni a, hmalak dan tur hrang hrang sawihona neih neiin, a thawhkhatna atan School tinah Nodal Teacher for Disaster ruat nise, District pum huapa enkawl turin Secondary School atan District Education Officer chu Nodal Officer nise tih a ni a, Elementary School atan SDEO chu Nodal Officer atan ruat nise tih a ni.
Heng bakah hian chhiatna lo thleng thei thil hrang hranga inzirtirna awareness video insiamsiak na tur atan competition buatsaih nise ti a rel a ni bawk. He hunah hian Pu K. Zorammuana, Addl. DC, Pu Lalrawngbawla, DEO, Pu Kawlliana Kawlni, SDEO, Pu F. Malsawmtuanga, RAO, DRDO, Pu James Ronghaka APO, BDO leh Pu Solomon Lalramsiama, HA, PWD te an tel a ni.
