KOLASIB AH RUIHHLO DO BEIHPUI KALPUI DAN TUR RELIN THUTKHAWMNA NEIH A NI
Vawiin khan Kolasib DC Conference Hall-ah Mizorama Ruihhlo Dona Beihpui (Operation Against Trafficking and Use of Drugs and Narcotics) kalpui dan tur chungchangah thutkhawmna neih a ni.
He hun hi Kolasib DC Pu Robert C. Lalhmangaiha chuan kaihruai in, Mizoramah ruihhlo avangin khawtlangah hatsatna tam tak a thlen mek thu leh ruihhlo do let tur hian Mizoram Sawrkar leh Central YMA ten theihtawp an chhuah reng a ni a ti a. Ruihhlo laka kan him theih nan September 2025 atanga December 2025 chhung hian Ruihhlo Dona Beihpui (Operation Against Trafficking and Use of Drugs and Narcotic in Mizoram) kalpui tum a; hmalak mek a nih thu a sawi a. He hmalakna hi Kolasib District-ah pawh Sawrkar ang zawng leh NGO anga theih tawp a hmalak a nih tur thu a sawi bawk.
He thutkhawmna ah hian ruihhlo do chungchanga hmalak dan tur hrang hrang sawihona neih a ni a. Ruihhlo dona kawngah felfai zawk a hmalak a nih theih nan hriattur pawimawhte inhrilhhriatna neih nghal a ni a. A tulin ang zelin Training pawh neih nise tih a ni bawk.Vawiina Kolasib a Ruihhlo do beihpui (Operation Against Trafficking and Use of Drugs and Narcotics) neihna ah hian SP Kolasib bakah Asst. Commissioner Excise & Narcotics leh YMA leh VC aiawhte leh Sawrkar mi pawimawhte an tel a ni.
