Horticulture minister pu lalsawivunga’n horticulture fair 2025 a hawng
Vawiin khan Horticulture Department buatsaih Horticulture Fair 2025 hawnna program chu Aijal Club-ah neih a ni a. He hunah hian Pu C. Lalsawivunga, Horticulture Minister chu Khuallian niin Fair hi a hawng a; hawnna program hi Pi Ramdinliani, Special Secretary, Horticulture Department chuan a kaihruai a, District tinte’n an thil thar leh siam chhuah (processed food) chi hrang hrangte an phochhuak a ni.
Minister Pu C. Lalsawivunga chuan a hawnna program-ah thu sawiin, Horticulture Fair changtlung taka buatsaih a ni thei chu lawmawm a tih thu leh a buatsaihtute hmalakna fakawm a tih thu a sawi a. Mizorama thar chhuah thlai, thei leh pangparte, eitur sawngbawl sa (processed food) te zau zawka ram pawna thawn chhuah a nih theih nan Horticulture Department-a mithiamte leh kuthnathawktute an tan ruala, an inthlunzawm that tlat a tul thu a sawi a. Mizoram economy tihchangtlungna atan thlai thar sawngbawl (processing) leh a hralhna tur (marketing) ngaihtuah kawngah tan lak nasat angaih thu a sawi bawk.
He hunah hian Dr. Shri Dhar, Dean, College of Horticulture, Thenzawl chuan Mizoram sik leh sa leh leite hi thei leh thlai chin nan a that tawk bakah, state pawn lama hralh chhuah tlak thar thei turin potential a nei tha hle tih a sawi a. Pu C.H. Lalmuanpuia, Director, Horticulture Department hnen atangin thusawi ngaihthlak a ni a. Pu L. Lalhmingmawia, Addl. Director, Horticulture Department chuan technical report a pe a, Pu C. Zosangliana, Jt. Director, Horticulture Department chuan lawmthu sawiin hun a khar a ni.
