Lawngtlai District- ah VKSA Campaign (Viksit Krishi sankalp Abhiyan) kalpui chhunzawm a ni
Lawngtlai District- a Viksit Krishi sankalp Abhiyan (VKSA) Pre- Kharif Campaign- ni 29th May, 2025 a hawnna neih tawh chu urhsun taka kalpui chhunzawm zel a ni.
Agriculture leh a kaihhnawih Department (Agriculture, Horticulture, AH & Veterinary, KVK, ATMA) ten fehchhuah runpui (Campaign) hi an nei a. VKSA Campaign- ah hian kuthnathawktu ten hlawk zawka thlai, ran vulh leh sangha khawi lama hma an lak theihna turin thingtlang khaw hrang hrangah Central leh State hmalakna (Schemes) leh tun lai thiamna (Technology) in zirtirna leh puanzarna neiin Department- te an fehchhuak mek a ni.
Ni 29th atanga ni 12th thlengin VKSA Campaign- hi kalpui tura ruahman niin; tun dinhmunah Lawngtlai district- a khaw – 61 a Lo neitu mi- 6441 hnenah Campaign hi nei tawh a ni. VKSA Campaign tur hian Department hrang hrangte hi Team thum (3) ah in thenin an fehchhuahna thin a. Loneitu ten tha taka lo dawngsawngin inkawmkhawmna hun tha tak hmang thinin, an khaw tana hmasawnna tur kawng hrang hrangte an lo thlen thin a ni. VKSA Campaign- hi la kalpui zel tur niin, khaw kal pawh theihna awm ang angah fehchhuah hi la neih chhunzawm zel tura ruahman a ni bawk.
