ZMC&H ah Scientific Session hmang
Vawiin khan Scientific Forum, Zoram Medical College & Hospital (ZMC&H) leh National TB Elimination Programme (NTEP), Mizoram te tangkawpin “Scientific Session April 2026 & NTEP Sensitisation Programme” an hmang.
He hun hi Prof. Swati M Patki, Dean, ZMC&H in kaihruaiin, ZMC&H atangin Dr. Lalhmunzauvi Hnamte, Demonstrator, Department of Anatomy leh Dr. Lucy Z. Sellai, Senior Resident, Department of Otorhynolaryngology te chuan thupui an present a, NTEP, Mizoram atangin Dr. Vanzarliana, MO-STC leh Dr. J Rinkimi, TB-HIV Coordinator ten TB laka invent dan leh TB um bo tura Medical College-te tih tur sawiin hun an hmang a ni.
He programme-ah hian NTEP mi leh sa bakah ZMC&H atanga Faculty, Doctor leh intern mi thahnem tak an tel a, Mizoram State Medical Council hriatpuinain Certificate leh Credit Points pek vek an ni.
