Yma day vawi 90-na pu vanlalhlana minister in hmanpui
YMA Day vawi 90-na chu ropui takin Bawngkawn South YMA Hall (Auditorium) ah hman a ni a, Pu Vanlalhlana, Minister Khuallian a ni. Pu R. Vanlalhruaia, Treasurer, YMA Bawngkawn South Branch in inkhawm a kaihruai a, Pu Lalhnehzova, Branch Executive Member in hunserh a hmang. Kumina Pawl 10 leh Pawl 12 Zirlai Pass thar mi 41 hnenah lawmpuina thuziak hlan an ni a, Dr. Lalhruaitluanga, Founder ZoCareer Solution chuan zirlaite fuihna thu a sawi.
Khuallian Pu Vanlalhlan, Minister chuan Bawngkawn South YMA Branch ten ruang an phurhna turin Pick Up thar ṭha tak a hlan bawk a ni. Khuallian hian thu sawiin, YMA Branch ten Motor thar an neih theih nana SLT Infracon Pvt. Ltd, te nena palai hna a thawk thei leh hlawhtlinna changa Motor thar an nei thei chu a lawmpui hle a ni. “Tun hnaia Mizoram-a Police lakthar zingah veng tam tak hming a lan loh laia Bawngkawn South aṭanga tling in han awm kha ka lawmpui hle che u a, veng ṭhenkhat te tluk loh in ni hi ka lawm hle bawk a ni”.
“Sorkar hna lak chungchangah hian tun sorkar hian dik takin a ti zel dawn a, sawipui chawp ngai lova tling turin ka ngen che u a, sorkar pawhin dik takin hnalak a kalpui zel dawn a, Minister leh MLA te quata bik a awm tawh lovin, a thiam thiam leh a tling ngeite chauh lak an ni zel dawn a ni”.”Zaninah hian Zirlai Pass tharte hi kan ram siamṭha turin in pawimawh a, thiamna tak tak nei tur leh a fuihtu pawh kan pawimawh a ni. Zirlaite hian in future siam turin hun reilote in nei a, chumi chu hmang ṭangkai u la, he hun, tun hun hi hmang ṭha u la, Pathian ṭih chungin innun khua siam ṭha rawh u” a ti a ni.
