World Rabies Day pualin a thlawna Ui â hri danna pek beihpui thlak

4 weeks ago Paromita

Khawvel puma Ui â hri venna ni, ‘World Rabies Day, 2026’ hman tur pualin vawiin khan A.H & Vety. Department, Mizoram State Veterinary Council (MSVC) leh Indian Veterinary Association (IVA), Mizoramte ṭangkawp chuan Aizawl khawpui huam chhung veng hrang hrang 4 ah a thlawna Ui â hri danna pek runpui ‘Free Anti-Rabies Vaccination Camp’ an buatsaih.

Vawiin hian Aizawl khawpui huam chhung veng hrang hrang – Zemabawk North, Salem veng, Ramrikawn leh Phunchawng-ahte a thlawna Ui â hri danna vaccine Anti-Rabies Vaccine (ARV) pek beihpui thlak a ni a. Chhinchhiah danin Anti-Rabies Vaccine dose 407 pek niin, heng zingah hian Ui 358 leh Zawhte 49 te hri danna pek an ni.

Kumin World Rabies Day pual hian “Stronger Together” tih thupui hmangin Thawhṭanni September ni 28 chawhnu dar 1 hian BSI Hall Khatla-ah hun hman a ni dawn a. He hun hi A.H & Vety. Minister Pu C. Lalsawivunga chuan Khuallian niin a telpui ang.

World Rabies Day hi Ui â hri danna Anti-Rabies Vaccine (ARV) hmuchhuaktu, Louis Pasteur thih champhaphak pualin kum 2007 aṭang khan kum tin September ni 28 ah hman ṭhin a ni.