Nissan Motor India chuan nimin khan a hming thar tur hi a puang a
Nissan Motor India chuan nimin khan a hming thar tur hi a puang a, khawvel puma SUVlineup-a chhuak thar ber : Nissan Tekton thar chu mawi takin a rawn duang chhuak a ni. “Tekton” tih hming hi Greek tawng atanga lo chhuak a ni a, “kut hnathawktu” emaw “architect” tihna a ni. Nissan theihna hrang hrang leh nunphung bakah an thilsiam chhuah tha tak tak nen a inmil hle a ni. He hming hian C-SUV chak tak, tha bik tak a kawk a, engineering lama thiamna, a kalphung tha tak leh a pianphung nalh danglam tak a keng tel a ni. Tekton hi an that bikna leh mawina emaw nunphung hmanga “an khawvel siamtu” tan chuan duhthlan tur a ni ang. Kum 2026-a an tlangzarh tak tak leh hralh ṭan hma hian Tekton hi C-SUV segment tibuai thei tura duan leh thuam chak a ni. Nissan ‘One Car, One World’ kalphung nghet tak hnuaia thilsiam pahnihna a ni dawn a, Renault nen thawhhona neiin Chennai plant-ah India ram chhunga hralh tur leh nakin lawka khawvel market thlan bikte tana thawn chhuah tur a ni.
Nissan SUV thar ber, theTekton hian company-a SUV tha ber leh dangdai ber, khaw awmdan engpawh milin a awm a ni. Nakkuma lo thlen hunah chuan a that bikna hrang hrang te leh a ken tel thil mawi tak tak nena thuamin a hman theih dawn a ni. A hma lamah chuan chak taka siam bonnet leh C-shaped head lamp signature danglam tak—Patrol hriatrengna—chuan lower bumper nghet tak nen thuam in, lirthei lian tham lo tak, chak tak si leh tha bik tura a siam a ni. A ken telah hian thil tha tak tak a awm a, kawngpuiah duhthusama a tlan theih nan tha thei ang bera thuam a ni a. Paying Homage, Tekton hmalam kawngkhar-ah hian ‘Double-C’ ang chi a awm a, Himalaya tlang aṭanga enfiah tawh niin tlang ram ah pawh tha tak tura duan a ni. Hnung lamah chuan eng sen thei chuan lirthei zau zawng a huam a, chu chuan himna hrang hrang a thlen a, ‘C-shaped’ dynamic tail-lamp te chu a thlunzawm bawk. A hnuaia tailgate sir zawng zawngah Tekton nameplate hi a langsar hle bawk a ni.
Alfonso Albaisa, Corporate Executive, Nissan Motor Co., Ltd sawi danin, “All-New Nissan Tekton hian a a ken telah hian hun rei tak ata anlo hmingthat tawhna Nissan Patrol a keng tel a. Tunlai India rama lirthei duhtu zawng zawng tibuaitu, thunun thei tur leh pe chhuak tura duan a ni. A that bikna leh nalh bikna bakah India ram leh a pawn lama thilsiam thar niin a tha bik tura duan a ni a, Nissan—Nissan SUV DNA ṭha ber berte pholangtu tur a ni.” Saurabh Vatsa, Managing Director, Nissan Motor in India chuan, “All-New Nissan Tekton hi Nissan that bikna phochhuaktu ber a ni dawn a, ram chhunga kan product zawng zawng hmalam hun tur hril tu a ni. A mawina leh that bikna leh tunlai thil changkang tak tak a ken tel te nen hian mi te tana thil tangkai tak ala ni dawn tih kan ring tlat a, car rintlak duh tute tan chuan he model hian India rama Nissan hmasawnna chanchina bung thar a kai pui thei dawn a ni.”
